قصة حزيينة

بنت اسمها عايشه بنت فيها جمال ودلال واخلاق ودين بنت ولا اروع عسل عسل أبوها وأمها متوفيين من كم من سنه مسوين حادث
عندها 3خوان واحد اسمه حامد عمره 33
واللي اصغر منه ب3سنوات اسمه محمد عمره30سنه
ومن بعده اسمه حمد عمره 26
وعايشه بعدهم عمرها 23
المهم كانوا يدلعونها كثير بس هي كانت تدرس في الجامعه بس لما توفوا أهلها تركتها
لا عندها لا صديق ولا رفيق وكانوا أخوانها يحاولون انها تطلع من البيت بس هي ما ترضى
وفي يوم من الايام سافر أخوها الكبير حامد لبرع معه دوره في بريطانيا حوالي 3شهور
وحامد كان موصي أخوانه على عايشه وقال حاولوا تطلعوها من البيت عشان تغير جو

ويوم سافر قالوا لها خوانها اليوم بنطلع فيج السوق
وبعد محاوله قدروا انها تروح معهم
وراحوا احدى المجمعات المعروفه قالوا لها تتجهز بعد صلاه العشاء
تجهزت بعد صلاه العشاء وراحت معهم اما حمد راح في كوفي شوب وخلاها مع محمد تتسوق
وكان ناطرهم
اما عايشه فكانت لابسه لبس ميتور ومغطيه شعرها بس من دون نقاب
كانوا هناك شباب خايسين ومعهم بنات بس لما شافوا عايشه الكل ترك حبيبته وراح وراء عايشه ومحمد كانوا يتسوقون في المحلات
فقالت عايشه لمحمد أسبقني وأنا بروح اشتري حاجات خصوصيه فضحك محمد وقال حاااضر بروح الكوفي شوب عند حمد وأنتي اذا خلصتي تعالي
قالت أوك
راحت عايشه ودخلت حق محل الملابس الداخليه فكان يلحقها وأحد من الشباب الخايسين وكان يطردها وين ما راحت
فأسهز الفرصه لما شاف ان محمد راح من عندها وكان يحاول أنه يطردها ليما صورها وابتسم ابتسامه نصر
خلصت عايشه وعلى طول ع الكوفي شوب وجعدت مع خوانها ليما صارت الساعه 12
وكان هذا اليوم أحلى يوم في حياتها بس هي كانت ما تدري أنه بيكون أخس ليله في حياتها
مرت الايام والشهور والسنين وعايشه ما تطلع كثير
وأخوها حامد قد جاء من السفر
وفي ليله من الليالي السوداء لعايشه دق تلفونها وما عرفت الرقم الداق
فقالت:الوو
.........:يا هلا بهالصوت والله
عايشه مستغربه وخايفه:من وياي؟
.............:هلا بعواش
عايشه:لو سمحت من انت وليش داق؟
.........:أنا ناصر أفا ما عرفتيني
عايشه سكرت التلفون في وجهه وقالت والله انه قليل أدب
بعد عشر دقايق ارسل رساله وسائط
صورتها وكانت عاااااااااريه ومعها واحد
فأنصدمت من الصوره وأغمى عليها
أخوها خذاها المشفى وقال الدكتور انها تعرضت لصدمه قويه وبعد 24ساعه ان شاءالله
راح تصحى
وفي اليوم الثاني فتحت عيونها وكانوا اخوانها عنها واقفين فلما صحت الكل راح لعندها وتحمد لها بالسلامه
وكانوا يسألونها عن السبب بس هي ما نطقت بكلمه
بس الدكتور قال لهم ما حد يزعجها او ينرفزها بكلمه فخافوا عليها وما حبوا يتدخلوا
اليوم الثاني طلعت من المشفى وكانوا مهتمين فيها كثير
بعد اسبوع بالضبط اتصل فيها نفس الرقم وقالت أنا لازم اوقفه عند حده وردت عليه وقالت له أنت وش تبي
تحسبني أنا أخاف منك ترى والله لاقول لاخواني ويشتكون عليك بالمخفر
ناصر:ههههههههههههه ضحكتيني ترى اذا تبين صرورش تعالي في الشقه وبعطيج اياهم وربي اذا ما جيتي لانشر صورج وبفضحج
عايشه ما استوعبت الكلام اللي قاله وانصدمت
عايشه:ياا خي وربي اني ما صورت هالاشياء واني بنت شريفه وما احب هالسوالف يا خي ارجوك استر علي وصارت تبكي
ناصر عرف يمثل:يا أختي أنا خايف عليج وابي استر عليج وابيج تجين الشقه عشان تأخذين الصوت وتتخلصين منهم
عايشه فرحت:مشكور اخوي الله يخليك ويخلي لك خواتك يارب الله يستر عليهن وعليك
ناصر بخبث:أختي متى بتجين عشان تأخذين الصور؟
عايشه:انت متى تبي أجي؟
ناصر:عادي بس أقولج احسن بالليل الساعه 11عشان انا اشتغل لين الساعه 10ونص وانتي تعالي الساعه 11
عايشه:أوكي مشكور أخوي
ناصر:ولو أنتي حسبه أختي
عايشه:بس ولو تكرمت تعطيني رقم الشقه؟
ناصر:أكيد الشقه كذا كذا
عايشه بإرتياح أنها بتخلص من المهمه بدون ما حد يدري:أوك مشكور أخوي بااااي
ناصر:بااااااي

الوجه الثاني ناصر:ههههههههههههههههههههههههه والله ولعبتها صح يا نصور



الليل الساعه 10 ونص كانت عايشه لابسه ومتجهزه

حامد:هاااه عواش وين بتروحين؟
عايشه بإرتباك:هاااه ولا شي بس ناويه أطلع مع صديقتي
حامد بإستغراب:صديقتج ؟؟من؟؟أعرفج ما عندج صديقات
عايشه وتحاول أنها تذكر مع من:ههههه لا ماهي غريبه بطلع مع منى بنت خالتي السوق
حامد:أهااااا أنزين الله يهنيج ويحفظج توكلي على الله
عايشه:أوكي مشكور
حامد:تبين أوصلج؟
عايشه:لا بأخذ السواق عشان البنت تأخذ راحتها
حادمد:أوك


طلعت عايشه وما تدري أنها أخر مره تشوف هالبيت

وصفت لسواق الشقه ليما وصلت
عايشه:شوف محي الدين يا ويلك اذ قلت لاحد اني هنا انت روح واذا اتصلت فيك تعال
محي الدين:تمام ماما

طلعت عايشه من السياره وكانت تقري قران من الخوف
دقت الجرس
انفتح الباب:هلاااا هلاااا بأخني
عايشه هلا اخوب..أنت ناصر؟
ناصر:ايه ناصر تعالي تفضلي
عايشه:لا أخوي أنا بأخذ الصور وبروح
ناصر:ولو أختي مو وأثقه فيني تفضلي
عايشه لا أخوي مستعجله
ناصر:وربي أني بزعل عليج انا حسبه أخوج تفضلي
عايشه كانت خايفه بس أستحت لان شافت الرجال مصر
دخلت وشافت الشقه مبهذله وكانوا هناك كاسات وفيهم كأنه عصير بس شكله غريب
ناصر سك الباب من وراء بالمفتاح
عايشه خاافت من شكله وهو يضحك
عايشه:واللي يعافيك أخوي اعطيني الصور أبي أروح
ناصر:ولو ما ضيفناج
عايشه:لا مشكور أخوي ما أبي شي
ناصر:ههههههههه لا تعالي عندي
عايشه بخوف:وش تبي وخر عني
.........................
...................
...........................
............
وفقدت شرفها





عايشه كانت تصيح بأعلى صوت
ناصر :شب شب ولا كلمه يا الخايسه
خذاها يبي يوصلها لبيتها
وكان مسرع وكان سكران وهي كانت تبكي
بنشرت السياره وانقلبت عده مرات اما ناصر انتفض من السياره
وتوفى
أما عايشه كانت في السياره وبعدها حيه وللاسف الاسعاف ما لحقت عليها وتوفت
اخذوا الجثث وأتصلوا على حامد أخو عايشه
حامد:الووو
الضابط:الووو السلام عليكم
حامد:وعليكم السلام..من المتصل؟
الضابط:معاك الشرطي .........
حامد خاف:عسى ما شر؟
الضابط:الاخ حامد؟
حامد:ايه معاك
الضابط:يا ريتك تجي المخفر
حامد:عسى ما شر؟
الضابط:تعال وتعرف كل شي


قام حامد ولبس وراح المخفر

دخل المخفر وعرف كل شي
حامد يبكي:حسبي الله عليج من بنت نزلتي رؤسنا بالارض الله يأخذج
الضابط:عايشه قد توفت
حامد:لا اله الا الله البنت ما هي كذا ما اعرف ان من وراها شي اثاريها تروح مع الرجال




وتوفت عايشه ولا يمر يوم الا وأخوانها داعيين عليها
وبعد مرور 3سنوات أكتشفوا ان عايشه بريئه لان لقوا ان الرجال مسوي مع اكثر من بنت مثل كذا ليما اكتشفوا انها بريئه ولقوا صورها لما كانت محتشمه بالسوق
وهو بعدين ركب عليها جسم بنت ثانيه عاريه
حسبي الله ونعم الوكيل فيه حسبي الله على الرجال اللي من امثاله

شفتوا بعض البنات بريئات شو يصير فيهم
أتمنى انكم تدعون لعايشه وللبنات البريئات اللي مثلها


واتمنى تعجبكم القصه